PiNoy mahilig na ba sa makulay na Brief?

Sa pag lago ng billboard bilang epektibong pag aadbertisa ng mga produkto dito sa ating bansa dumarami na rin ang mga nag susulputang mga nag lalakihan at nag liliitang mga billboard sa paligid ng mga kalsada sa Metro Manila para ba silang mga kabute.  Mas mura kasi ang ganitong klaseng pag aadbertisa ng pang matagalan kumpara sa TV at Radyo. Pero ang di nakakatuwang bagay ang mapalibutan tayo ng billboard ng mga naglalakihang katawan at mga nakasuot na brief kung hindi naman mga kababaihang naka panty at bra. Mahilig na ba talaga ang mga PiNoy sa Brief, malalaking katawan, panty at bra? Tingnan niyo ‘to?

Ito ang mga billboard na makikita sa EDSA: 

Pinag uusapan na ba nating mga PiNoy kung anong klaseng brief, panty at bra meron tayo o kaya kung may 6 pack abs tayo sa katawan? Kapag nag susuot naman tayo ng ganitong klaseng mga kasuotan hindi naman ito nakikita pwera na lang kung pinapansin na natin kung anong klaseng brief at panty ng kaibigan natin o ng katabi natin sa Jeep, MRT at Bus? Katulad nito: “Pare, ano brief mo ngayon Bench ba? Maganda ba design? Patingin nga?” “ako maganda brief ko bagay sa 6 pack abs ko. Gusto mo tingnan?” O kapag ginanito ka ng kasama mo sa Jeep, MRT at Bus “Pare, ganda ng brief mo ah? San mo nabili? Pahipo nga kung maganda yung tela??” parang hindi naman maganda pakinggan. kung sa babae naman. Nasa Pampublikong lugar: “Girl, pasilip naman ng panty at bra mo? Anong kulay? Pasukat nga para makabili ako bukas kung maganda?” mmmmm. Pero mas maganda ata ‘tong pag usapan sa senado o di kaya bulong-bulungan na talaga  ang ganitong klaseng usapin o nag huhulaan kung anong klaseng underwear meron sila?: 

Limang taon na ang nakakalipas ng ideklara ng MMDA na delikado para sa mga taong dumadaan, sa mga bahay sa paligid nito at sa mga sasakyan. Matapos kasing tumumba ang mga billboard dahil sa bagyong milenyo ay marami ang na disgrasya pero ang nakakapagtaka bakit hanggang ngayon ay meron pa ring ganitong klase ng billboard ang makikita sa ating bansa? Hindi lang yan dahil nadagdagan pa ito ng mga nag lalakihang katawan at mga brief, panty at bra. Wala naman sigurong masama, Ang masama lang ay pag nakita ng mga bata ang ganitong klaseng malalaswang imahe at  nag pa picture sila ng tulad ng nasa billboard sigurado akong pag nalaman ng mga magulang nila ay ganito ang magiging itsura nila: 

Walang Traffic sa PiNas. Tuwid ang mga daan dito.

Parami na ng parami ang mga taong pumapasok sa trabaho sa umaga at umuuwi sa gabi kaya hindi rin maiiwasan ang mahabang trapiko na mararanasan mo bago ka makapasok at makauwi sa iyong bahay. Kaya ang ginagawa ng ilang mga PiNoy kung alas diyes (10 a.m.) ang pasok nila ay aalis sila ng bahay ng alas siyete ng umaga (7 a.m.) ritwal na ata yan sa kultura ng mga PiNoy dahil alam na natin kung gaano kadikit-dikit ang kanto at kalalapit ang mga stop light dito sa atin. Kaya kahit ang lapit lang ng papasukan mo ay sigurado akong aabutin ka ng siyam-siyam bago ka makarating sa pupuntahan mo. Kung tinatanong mo kung bakit ganito kabagal at ganyan ang mga kalsada sa PiNas? Subukan mo na lang mag tanong sa kanila:

Pero ang hindi magandang experience sa mahabang trapiko na madadaanan mo, Ay,  yung pamamanhid ng puwitan mo dahil sa pag hihintay,  Ang mababangong itim na usok mula sa mga humaharangkadang bus at truck, Ang sobrang init ng sikat ng araw, at kung pawisin ka sigurado akong papasok ka ng opisina ng basang-basa ang kili-kili. Pero ang pinaka malas ay pag nadaanan ka ng truck ng mga baboy at dumikit sayo ang amoy, eh sigurado ako lahat ng dadaanan mong tao ay nakaganito: 

Wag na kayong mag reklamo kung bakit ganito ang kalsada at mga stop light dito sa PiNas basta maging masaya ka na lang dahil sa PiNas mo lang makikita ang ganitong klase ng kalsada. Saka simbolo lang din yan kung gaano kabagal ang usad ng mga saksakyan ganyan din kabagal ang usad ng gobyerno, mga kaso, mga trabaho, at ang pag unlad ng bansang ito. Kaya ang magandang gawin ay dumaan na lang tayo sa tuwid na daan na pinapagawa ni PiNoy, Saan kaya makikita yun?.

DIVISORIA: Maganda at Masaya dito. Bili na!

Isa sa pinaka maraming tao na lugar dito sa pilipinas ay ang DIVISORIA na matatagpuan sa lungsod ng Maynila. Isa ito sa mga pinupuntahan ng mga mamimili upang makamura. Dito kasi ang bagsakan ng mga produkto ng gulay at isda mula sa ibat-ibang probinsya.  Sa divisoria rin makikita ang ibat-ibang lahi dito sa mundo pero kalimitan ay mga klase ng tao na nasa kontinente ng ASIA tulad ng Chinese, Korean at Japanese kung di ka taga rito, sigurado akong mapagkakamalan mong bansang China or Korea ang lugar na ito at ang mga dayuhan ay ang mga PiNoy. Wow, tumaas na rin ang kalidad ni P-noy (ng Pinoy) pero ang hindi lang maganda ay sa sariling bayan mo na nga alipin ka pa rin ng mga dayuhang mga investor o businessman sa lugar na ‘to. kaya wag na wag kang tatawad kung ayaw mong masabihan ng " ay wara tawad, rugi negosyo, yan tama rahat". 

 Kadalasan makikita mo rin sa lugar na ‘to ang mga bestfriend ng mga PiNoy ang mga KANO o AMERIKANO na tinatakbuhan natin kapag di na natin kaya ang kalaban para bang mga bata na tumatakbo sa mga KUYA nila kapag ginulo sila ng mga kolokoy sa eskwelahan. Tulad na nangyari sa S…..Wag na nating bangitin baka sabihin namumulitika tayo. Mag tanong na lang kayo kay Big Brother. Kung nagtataka naman kayo kung bakit napapadpad ang mga KUYA natin dito, Trip lang talaga nilang mag ikot-ikot sa sik-sikan at napakaingay na lugar na ito. Na sumisigaw “Bili-bili na kayo murang-mura lang, sariwa parang bata..”. Pwede rin nag bibilang sila kung gaano na kadaming basura ang makikita sa pilipinas o di kaya nag bibilang sila kung gaano na karami ang walang trabaho sa atin. pero malay niyo gusto rin nilang maranasan ang mag paputik sa mabahong amoy ng mga kanal na galing sa isdang PiNoy.

 

Pero ang pinaka maganda dito ay ang iba’t-ibang klase ng PiNoy na makikita na namimili at umiikot-ikot dito. May mga mayayaman, Meron ding may kaya sa buhay , May tama lang at yung kapos palad. pero hindi yan ang dahilan kaya ito dinadayo ng maraming PiNoy. Ito ay dahil sa ibat-ibang paninda o produkto na pwede mong mabili ng maramihan at sa murang halaga lang. Yun nga lang kailangan mong mag ingat sa mga klase ng PiNoy na naririto tulad ng PiNoy na mahilig pumuwesto sa likod at ipasok ang kamay nila sa loob ng bulsa at bag para kumuha ng gamit o mahahalagang bagay na pwede nilang maibenta, Meron ding mga PiNoy na mahilig mang hablot ng mga alahas o mga palamuti na nasa katawan, Meron din suicidal na nanunutok na ng patalim, Meron din mag bibigay sayo ng ligayang panandalian, murang-mura lang at sariwa  pa sigurado kang kahuhuli lang sa isla puting bato.  Pero kung ikaw naman ang tipo ng PiNoy na may dugong Bonifacio at gustong mag pa ka-HERO, Pwedeng-pwede kang sumigaw o sitahin ang mandurukot at sabihin dun sa binibiktima niya na dinudukutan na siya o habulin ang snacher na ng hablot ng alahas pero ewan ko lang kung bukas o sa makalawa kung nasa Libingan ng BAYANI ka na o kaya meron ka ng rebulto na tulad ng kay Magsaysay na matatagpuan sa DIVISORIA. 

Kung hindi naman ikaw ang tipo ng PiNoy na may dugong BAYANI eh, maki-tsismis ka na lang dito: